ශ්රී වේද ව්යාස ස්තුති - ගුරු ස්තෝත්‍ර

ව්යාසං වසිෂ්ඨනප්තාරං ශක්තේඃ පෞත්රමකල්මෂම් ।
පරාශරාත්මජං වංදේ ශුකතාතං තපෝනිධිම් ॥ 1

ව්යාසාය විෂ්ණුරූපාය ව්යාසරූපාය විෂ්ණවේ ।
නමෝ වෛ බ්රහ්මනිධයේ වාසිෂ්ඨාය නමෝ නමඃ ॥ 2

කෘෂ්ණද්වෛපායනං ව්යාසං සර්වලෝකහිතේ රතම් ।
වේදාබ්ජභාස්කරං වංදේ ශමාදිනිලයං මුනිම් ॥ 3

වේදව්යාසං ස්වාත්මරූපං සත්යසංධං පරායණම් ।
ශාංතං ජිතේංද්රියක්රෝධං සශිෂ්යං ප්රණමාම්යහම් ॥ 4

අචතුර්වදනෝ බ්රහ්මා ද්විබාහුරපරෝ හරිඃ ।
අඵාලලෝචනඃ ශංභුඃ භගවාන් බාදරායණඃ ॥ 5

ශංකරං ශංකරාචාර්යං කේශවං බාදරායණම් ।
සූත්රභාෂ්යකෘතෞ වංදේ භගවංතෞ පුනඃ පුනඃ ॥ 6

බ්රහ්මසූත්රකෘතේ තස්මෛ වේදව්යාසාය වේධසේ ।
ජ්ඤානශක්ත්යවතාරාය නමෝ භගවතෝ හරේඃ ॥ 7

ව්යාසඃ සමස්තධර්මාණාං වක්තා මුනිවරේඩිතඃ ।
චිරංජීවී දීර්ඝමායුර්දදාතු ජටිලෝ මම ॥ 8

ප්රජ්ඤාබලේන තපසා චතුර්වේදවිභාජකඃ ।
කෘෂ්ණද්වෛපායනෝ යශ්ච තස්මෛ ශ්රීගුරවේ නමඃ ॥ 9

ජටාධරස්තපෝනිෂ්ඨඃ ශුද්ධයෝගෝ ජිතේංද්රියඃ ।
කෘෂ්ණාජිනධරඃ කෘෂ්ණස්තස්මෛ ශ්රීගුරවේ නමඃ ॥ 10

භාරතස්ය විධාතා ච ද්විතීය ඉව යෝ හරිඃ ।
හරිභක්තිපරෝ යශ්ච තස්මෛ ශ්රීගුරවේ නමඃ ॥ 11

ජයති පරාශරසූනුඃ සත්යවතී හෘදයනංදනෝ ව්යාසඃ ।
යස්යාස්ය කමලගලිතං භාරතමමෘතං ජගත්පිබති ॥ 12

වේදවිභාගවිධාත්රේ විමලාය බ්රහ්මණේ නමෝ විශ්වදෘශේ ।
සකලධෘතිහේතුසාධනසූත්රසෘජේ සත්යවත්යභිව්යක්ති මතේ ॥ 13

වේදාංතවාක්යකුසුමානි සමානි චාරු
ජග්රංථ සූත්රනිචයේන මනෝහරේණ ।
මෝක්ෂාර්ථිලෝකහිතකාමනයා මුනිර්යඃ
තං බාදරායණමහං ප්රණමාමි භක්ත්යා ॥ 14

ඉති ශ්රී වේදව්යාස ස්තුතිඃ ।