ୟମୁନା ଆଷ୍ଟକମ୍ - ଗଙ୍ଗା ସ୍ତୋତ୍ର

ମୁରାରିକାୟକାଲିମାଲଲାମଵାରିଧାରିଣୀ
ତୃଣୀକୃତତ୍ରିଵିଷ୍ଟପା ତ୍ରିଲୋକଶୋକହାରିଣୀ ।
ମନୋଽନୁକୂଲକୂଲକୁଂଜପୁଂଜଧୂତଦୁର୍ମଦା
ଧୁନୋତୁ ମେ ମନୋମଲଂ କଲିଂଦନଂଦିନୀ ସଦା ॥ 1 ॥

ମଲାପହାରିଵାରିପୂରଭୂରିମଂଡିତାମୃତା
ଭୃଶଂ ପ୍ରପାତକପ୍ରଵଂଚନାତିପଂଡିତାନିଶମ୍ ।
ସୁନଂଦନଂଦନାଂଗସଂଗରାଗରଂଜିତା ହିତା
ଧୁନୋତୁ ମେ ମନୋମଲଂ କଲିଂଦନଂଦିନୀ ସଦା ॥ 2 ॥

ଲସତ୍ତରଂଗସଂଗଧୂତଭୂତଜାତପାତକା
ନଵୀନମାଧୁରୀଧୁରୀଣଭକ୍ତିଜାତଚାତକା ।
ତଟାଂତଵାସଦାସହଂସସଂସୃତା ହି କାମଦା
ଧୁନୋତୁ ମେ ମନୋମଲଂ କଲିଂଦନଂଦିନୀ ସଦା ॥ 3 ॥

ଵିହାରରାସଖେଦଭେଦଧୀରତୀରମାରୁତା
ଗତା ଗିରାମଗୋଚରେ ୟଦୀୟନୀରଚାରୁତା ।
ପ୍ରଵାହସାହଚର୍ୟପୂତମେଦିନୀନଦୀନଦା
ଧୁନୋତୁ ମେ ମନୋମଲଂ କଲିଂଦନଂଦିନୀ ସଦା ॥ 4 ॥

ତରଂଗସଂଗସୈକତାଂଚିତାଂତରା ସଦାସିତା
ଶରନ୍ନିଶାକରାଂଶୁମଂଜୁମଂଜରୀସଭାଜିତା ।
ଭଵାର୍ଚନାୟ ଚାରୁଣାଂବୁନାଧୁନା ଵିଶାରଦା
ଧୁନୋତୁ ମେ ମନୋମଲଂ କଲିଂଦନଂଦିନୀ ସଦା ॥ 5 ॥

ଜଲାଂତକେଲିକାରିଚାରୁରାଧିକାଂଗରାଗିଣୀ
ସ୍ଵଭର୍ତୁରନ୍ୟଦୁର୍ଲଭାଂଗସଂଗତାଂଶଭାଗିନୀ ।
ସ୍ଵଦତ୍ତସୁପ୍ତସପ୍ତସିଂଧୁଭେଦନାତିକୋଵିଦା
ଧୁନୋତୁ ମେ ମନୋମଲଂ କଲିଂଦନଂଦିନୀ ସଦା ॥ 6 ॥

ଜଲଚ୍ୟୁତାଚ୍ୟୁତାଂଗରାଗଲଂପଟାଲିଶାଲିନୀ
ଵିଲୋଲରାଧିକାକଚାଂତଚଂପକାଲିମାଲିନୀ ।
ସଦାଵଗାହନାଵତୀର୍ଣଭର୍ତୃଭୃତ୍ୟନାରଦା
ଧୁନୋତୁ ମେ ମନୋମଲଂ କଲିଂଦନଂଦିନୀ ସଦା ॥ 7 ॥

ସଦୈଵ ନଂଦନଂଦକେଲିଶାଲିକୁଂଜମଂଜୁଲା
ତଟୋତ୍ଥଫୁଲ୍ଲମଲ୍ଲିକାକଦଂବରେଣୁସୂଜ୍ଜ୍ଵଲା ।
ଜଲାଵଗାହିନାଂ ନୃଣାଂ ଭଵାବ୍ଧିସିଂଧୁପାରଦା
ଧୁନୋତୁ ମେ ମନୋମଲଂ କଲିଂଦନଂଦିନୀ ସଦା ॥ 8 ॥