ನಾರಾಯಣ ಅಷ್ಟಾಕ್ಷರೀ ಸ್ತುತಿ - ವಿಷ್ಣು ಸ್ತೋತ್ರಗಳು

ಓಂ ನಮಃ ಪ್ರಣವಾರ್ಥಾರ್ಥ ಸ್ಥೂಲಸೂಕ್ಷ್ಮ ಕ್ಷರಾಕ್ಷರ
ವ್ಯಕ್ತಾವ್ಯಕ್ತ ಕಳಾತೀತ ಓಂಕಾರಾಯ ನಮೋ ನಮಃ ॥ 1 ॥

ನಮೋ ದೇವಾದಿದೇವಾಯ ದೇಹಸಂಚಾರಹೇತವೇ
ದೈತ್ಯಸಂಘವಿನಾಶಾಯ ನಕಾರಾಯ ನಮೋ ನಮಃ ॥ 2 ॥

ಮೋಹನಂ ವಿಶ್ವರೂಪಂ ಚ ಶಿಷ್ಟಾಚಾರಸುಪೋಷಿತಂ
ಮೋಹವಿಧ್ವಂಸಕಂ ವಂದೇ ಮೋಕಾರಾಯ ನಮೋ ನಮಃ ॥ 3 ॥

ನಾರಾಯಣಾಯ ನವ್ಯಾಯ ನರಸಿಂಹಾಯ ನಾಮಿನೇ
ನಾದಾಯ ನಾದಿನೇ ತುಭ್ಯಂ ನಾಕಾರಾಯ ನಮೋ ನಮಃ ॥ 4 ॥

ರಾಮಚಂದ್ರಂ ರಘುಪತಿಂ ಪಿತ್ರಾಜ್ಞಾಪರಿಪಾಲಕಂ
ಕೌಸಲ್ಯಾತನಯಂ ವಂದೇ ರಾಕಾರಾಯ ನಮೋ ನಮಃ ॥ 5 ॥

ಯಜ್ಞಾಯ ಯಜ್ಞಗಮ್ಯಾಯ ಯಜ್ಞರಕ್ಷಾಕರಾಯ ಚ
ಯಜ್ಞಾಂಗರೂಪಿಣೇ ತುಭ್ಯಂ ಯಕಾರಾಯ ನಮೋ ನಮಃ ॥ 6 ॥

ಣಾಕಾರಂ ಲೋಕವಿಖ್ಯಾತಂ ನಾನಾಜನ್ಮಫಲಪ್ರದಂ
ನಾನಾಭೀಷ್ಟಪ್ರದಂ ವಂದೇ ಣಾಕಾರಾಯ ನಮೋ ನಮಃ ॥ 7 ॥

ಯಜ್ಞಕರ್ತ್ರೇ ಯಜ್ಞಭರ್ತ್ರೇ ಯಜ್ಞರೂಪಾಯ ತೇ ನಮಃ
ಸುಜ್ಞಾನಗೋಚರಾಯಾಽಸ್ತು ಯಕಾರಾಯ ನಮೋ ನಮಃ ॥ 8 ॥

ಇತಿ ಶ್ರೀ ನಾರಾಯಣ ಅಷ್ಟಾಕ್ಷರೀ ಸ್ತುತಿಃ ।