શ્રી સ્વર્ણ આકર્ષણ ભૈરવ સ્તોત્રમ્ - શિવ સ્તોત્રો

ઓં અસ્ય શ્રી સ્વર્ણાકર્ષણ ભૈરવ સ્તોત્ર મહામંત્રસ્ય બ્રહ્મ ઋષિઃ અનુષ્ટુપ્ છંદઃ શ્રી સ્વર્ણાકર્ષણ ભૈરવો દેવતા હ્રીં બીજં ક્લીં શક્તિઃ સઃ કીલકં મમ દારિદ્ર્ય નાશાર્થે પાઠે વિનિયોગઃ ॥

ઋષ્યાદિ ન્યાસઃ ।
બ્રહ્મર્ષયે નમઃ શિરસિ ।
અનુષ્ટુપ્ છંદસે નમઃ મુખે ।
સ્વર્ણાકર્ષણ ભૈરવાય નમઃ હૃદિ ।
હ્રીં બીજાય નમઃ ગુહ્યે ।
ક્લીં શક્તયે નમઃ પાદયોઃ ।
સઃ કીલકાય નમઃ નાભૌ ।
વિનિયોગાય નમઃ સર્વાંગે ।
હ્રાં હ્રીં હ્રૂં ઇતિ કર ષડંગન્યાસઃ ॥

ધ્યાનમ્ ।
પારિજાતદ્રુમ કાંતારે સ્થિતે માણિક્યમંડપે ।
સિંહાસનગતં વંદે ભૈરવં સ્વર્ણદાયકમ્ ॥

ગાંગેય પાત્રં ડમરૂં ત્રિશૂલં
વરં કરઃ સંદધતં ત્રિનેત્રમ્ ।
દેવ્યાયુતં તપ્ત સુવર્ણવર્ણ
સ્વર્ણાકર્ષણભૈરવમાશ્રયામિ ॥

મંત્રઃ ।
ઓં ઐં હ્રીં શ્રીં ઐં શ્રીં આપદુદ્ધારણાય હ્રાં હ્રીં હ્રૂં અજામલવધ્યાય લોકેશ્વરાય સ્વર્ણાકર્ષણભૈરવાય મમ દારિદ્ર્ય વિદ્વેષણાય મહાભૈરવાય નમઃ શ્રીં હ્રીં ઐમ્ ।

સ્તોત્રમ્ ।
નમસ્તેઽસ્તુ ભૈરવાય બ્રહ્મવિષ્ણુશિવાત્મને ।
નમસ્ત્રૈલોક્યવંદ્યાય વરદાય પરાત્મને ॥ 1 ॥

રત્નસિંહાસનસ્થાય દિવ્યાભરણશોભિને ।
દિવ્યમાલ્યવિભૂષાય નમસ્તે દિવ્યમૂર્તયે ॥ 2 ॥

નમસ્તેઽનેકહસ્તાય હ્યનેકશિરસે નમઃ ।
નમસ્તેઽનેકનેત્રાય હ્યનેકવિભવે નમઃ ॥ 3 ॥

નમસ્તેઽનેકકંઠાય હ્યનેકાંશાય તે નમઃ ।
નમોસ્ત્વનેકૈશ્વર્યાય હ્યનેકદિવ્યતેજસે ॥ 4 ॥

અનેકાયુધયુક્તાય હ્યનેકસુરસેવિને ।
અનેકગુણયુક્તાય મહાદેવાય તે નમઃ ॥ 5 ॥

નમો દારિદ્ર્યકાલાય મહાસંપત્પ્રદાયિને ।
શ્રીભૈરવીપ્રયુક્તાય ત્રિલોકેશાય તે નમઃ ॥ 6 ॥

દિગંબર નમસ્તુભ્યં દિગીશાય નમો નમઃ ।
નમોઽસ્તુ દૈત્યકાલાય પાપકાલાય તે નમઃ ॥ 7 ॥

સર્વજ્ઞાય નમસ્તુભ્યં નમસ્તે દિવ્યચક્ષુષે ।
અજિતાય નમસ્તુભ્યં જિતામિત્રાય તે નમઃ ॥ 8 ॥

નમસ્તે રુદ્રપુત્રાય ગણનાથાય તે નમઃ ।
નમસ્તે વીરવીરાય મહાવીરાય તે નમઃ ॥ 9 ॥

નમોઽસ્ત્વનંતવીર્યાય મહાઘોરાય તે નમઃ ।
નમસ્તે ઘોરઘોરાય વિશ્વઘોરાય તે નમઃ ॥ 10 ॥

નમઃ ઉગ્રાય શાંતાય ભક્તેભ્યઃ શાંતિદાયિને ।
ગુરવે સર્વલોકાનાં નમઃ પ્રણવ રૂપિણે ॥ 11 ॥

નમસ્તે વાગ્ભવાખ્યાય દીર્ઘકામાય તે નમઃ ।
નમસ્તે કામરાજાય યોષિત્કામાય તે નમઃ ॥ 12 ॥

દીર્ઘમાયાસ્વરૂપાય મહામાયાપતે નમઃ ।
સૃષ્ટિમાયાસ્વરૂપાય વિસર્ગાય સમ્યાયિને ॥ 13 ॥

રુદ્રલોકેશપૂજ્યાય હ્યાપદુદ્ધારણાય ચ ।
નમોઽજામલબદ્ધાય સુવર્ણાકર્ષણાય તે ॥ 14 ॥

નમો નમો ભૈરવાય મહાદારિદ્ર્યનાશિને ।
ઉન્મૂલનકર્મઠાય હ્યલક્ષ્મ્યા સર્વદા નમઃ ॥ 15 ॥

નમો લોકત્રયેશાય સ્વાનંદનિહિતાય તે ।
નમઃ શ્રીબીજરૂપાય સર્વકામપ્રદાયિને ॥ 16 ॥

નમો મહાભૈરવાય શ્રીરૂપાય નમો નમઃ ।
ધનાધ્યક્ષ નમસ્તુભ્યં શરણ્યાય નમો નમઃ ॥ 17 ॥

નમઃ પ્રસન્નરૂપાય હ્યાદિદેવાય તે નમઃ ।
નમસ્તે મંત્રરૂપાય નમસ્તે રત્નરૂપિણે ॥ 18 ॥

નમસ્તે સ્વર્ણરૂપાય સુવર્ણાય નમો નમઃ ।
નમઃ સુવર્ણવર્ણાય મહાપુણ્યાય તે નમઃ ॥ 19 ॥

નમઃ શુદ્ધાય બુદ્ધાય નમઃ સંસારતારિણે ।
નમો દેવાય ગુહ્યાય પ્રબલાય નમો નમઃ ॥ 20 ॥

નમસ્તે બલરૂપાય પરેષાં બલનાશિને ।
નમસ્તે સ્વર્ગસંસ્થાય નમો ભૂર્લોકવાસિને ॥ 21 ॥

નમઃ પાતાળવાસાય નિરાધારાય તે નમઃ ।
નમો નમઃ સ્વતંત્રાય હ્યનંતાય નમો નમઃ ॥ 22 ॥

દ્વિભુજાય નમસ્તુભ્યં ભુજત્રયસુશોભિને ।
નમોઽણિમાદિસિદ્ધાય સ્વર્ણહસ્તાય તે નમઃ ॥ 23 ॥

પૂર્ણચંદ્રપ્રતીકાશવદનાંભોજશોભિને ।
નમસ્તે સ્વર્ણરૂપાય સ્વર્ણાલંકારશોભિને ॥ 24 ॥

નમઃ સ્વર્ણાકર્ષણાય સ્વર્ણાભાય ચ તે નમઃ ।
નમસ્તે સ્વર્ણકંઠાય સ્વર્ણાલંકારધારિણે ॥ 25 ॥

સ્વર્ણસિંહાસનસ્થાય સ્વર્ણપાદાય તે નમઃ ।
નમઃ સ્વર્ણાભપારાય સ્વર્ણકાંચીસુશોભિને ॥ 26 ॥

નમસ્તે સ્વર્ણજંઘાય ભક્તકામદુઘાત્મને ।
નમસ્તે સ્વર્ણભક્તાનાં કલ્પવૃક્ષસ્વરૂપિણે ॥ 27 ॥

ચિંતામણિસ્વરૂપાય નમો બ્રહ્માદિસેવિને ।
કલ્પદ્રુમાધઃસંસ્થાય બહુસ્વર્ણપ્રદાયિને ॥ 28 ॥

નમો હેમાદિકર્ષાય ભૈરવાય નમો નમઃ ।
સ્તવેનાનેન સંતુષ્ટો ભવ લોકેશભૈરવ ॥ 29 ॥

પશ્ય માં કરુણાવિષ્ટ શરણાગતવત્સલ ।
શ્રીભૈરવ ધનાધ્યક્ષ શરણં ત્વાં ભજામ્યહમ્ ।
પ્રસીદ સકલાન્ કામાન્ પ્રયચ્છ મમ સર્વદા ॥ 30 ॥

ફલશ્રુતિઃ
શ્રીમહાભૈરવસ્યેદં સ્તોત્રસૂક્તં સુદુર્લભમ્ ।
મંત્રાત્મકં મહાપુણ્યં સર્વૈશ્વર્યપ્રદાયકમ્ ॥ 31 ॥

યઃ પઠેન્નિત્યમેકાગ્રં પાતકૈઃ સ વિમુચ્યતે ।
લભતે ચામલાલક્ષ્મીમષ્ટૈશ્વર્યમવાપ્નુયાત્ ॥ 32 ॥

ચિંતામણિમવાપ્નોતિ ધેનુ કલ્પતરું ધૃવમ્ ।
સ્વર્ણરાશિમવાપ્નોતિ સિદ્ધિમેવ સ માનવઃ ॥ 33 ॥

સંધ્યાયાં યઃ પઠેત્ સ્તોત્રં દશાવૃત્યા નરોત્તમૈઃ ।
સ્વપ્ને શ્રીભૈરવસ્તસ્ય સાક્ષાદ્ભૂત્વા જગદ્ગુરુઃ ॥ 34 ॥

સ્વર્ણરાશિ દદાત્યેવ તત્‍ક્ષણાન્નાસ્તિ સંશયઃ ।
સર્વદા યઃ પઠેત્ સ્તોત્રં ભૈરવસ્ય મહાત્મનઃ ॥ 35 ॥

લોકત્રયં વશીકુર્યાદચલાં શ્રિયમવાપ્નુયાત્ ।
ન ભયં લભતે ક્વાપિ વિઘ્નભૂતાદિસંભવ ॥ 36 ॥

મ્રિયંતે શત્રવોઽવશ્યમલક્ષ્મીનાશમાપ્નુયાત્ ।
અક્ષયં લભતે સૌખ્યં સર્વદા માનવોત્તમઃ ॥ 37 ॥

અષ્ટપંચાશતાણઢ્યો મંત્રરાજઃ પ્રકીર્તિતઃ ।
દારિદ્ર્યદુઃખશમનં સ્વર્ણાકર્ષણકારકઃ ॥ 38 ॥

ય યેન સંજપેત્ ધીમાન્ સ્તોત્રં વા પ્રપઠેત્ સદા ।
મહાભૈરવસાયુજ્યં સ્વાંતકાલે ભવેદ્ધ્રુવમ્ ॥ 39 ॥

ઇતિ રુદ્રયામલ તંત્રે સ્વર્ણાકર્ષણ ભૈરવ સ્તોત્રમ્ ॥